குலாலர் பெருமை
-
குலாலர்களின் சிறப்பு
குலாலர்களின் சிறப்பு
மண்பாண்டம் கல் தோன்றி மண் தோன்றிய காலம் தொட்டு சமுதாயம் நலம் பயக்கும் நல் உணவுகளை சமைக்கவும், சுகாதாரத்துடன் வாழவும், மண்ணால் ஆக்கப்பட்ட பாண்டங்களையும், வீடு கட்ட செங்கல்லையும், ஓடுகளையும் உருவாக்கி, கோயிலின் உருவச் சிலைகளையும் உருவாக்கி அர்ச்சகர்களாகவும் பணிபுரிந்து மக்கள் நலண்களை பேணிக் காத்து வந்தவர்கள் குலாலர்கள்.தமிழும் குலாலரும் குலாலர் குலத்தில் அவதரித்து உலகமே போரற்றும் மாபொரும் கவிப்பேரரசர் கம்பரே உலக மொழிகளிலேயே உயர்ந்த மொழி தொன்மை வாய்ந்த மொழி தமிழ் மொழி தான். அத்தகைய தமிழ் மொழியைப் படைத்தவன் குலால சமுகத்தில் தோன்றி கும்பமுனி அகஸ்தியர். புறநானூற்றில் புகைழ்பெற்ற நம் குலபெண்மணி வெண்ணிக் குயத்தியார் கோலோட்சிய குலாலர் சரித்திரம் படைத்த சாலிவாகனன் வீக்கிரமாதித்த அரசனை வீழ்த்தி ஜ்ம்பத்தாறு தேசங்களையும் ஓரு குடையின் கீழ் ஆண்டு ஏகச் சக்கரவர்த்தியாய் திகழ்ந்து சாலிவாகன் சகாப்தத்தை ஏற்படுத்திய மாவீரன் குலாலன் சாலியவாகனனே ! இறைத் தொண்டில் குலாலர் பக்தித் துறையில் பல்வகை சாதனைகளைப் புரிந்த திருநீலக்கண்டரையும், கோராக் குல்பாரையும், கூபாகும்பாரையும், மாயாண்டி சுவாமிகளையும், ஈன்றெடுத்த சமூகம் குலாலர் சமுகம். தமிழ்நாடு குலாலர்கள் சமூக கட்டமைப்பு இணைய தளம்
-
குலாலர் திலகங்கள்
திருநீலகண்ட நாயனார்
பக்கம் 1 திருநீலகண்ட நாயனார் என்பவர் 63 நாயன்மார்கள் எனப்படும் சிவனடியார்களில் ஒருவர். இவரைப் பற்றிய குறிப்பு, 8 ஆம் நூறாண்டில் வாழ்ந்ததாகக் கருதப்படும் சுந்தரமூர்த்தி நாயனார் எழுதியதிருத்தொண்டத் தொகை என்னும் நூலிலும், பின்னர் 12 ஆவது நூற்றாண்டில் வாழ்ந்த சேக்கிழார்எழுதிய பெரியபுராணத்திலும் குறிப்புகள் உள்ளன. இவர் சிதம்பரத்தில் குலாலர் குலத்தில் பிறந்தவர் என்பது மேலுள்ள நூல்களில் உள்ள செய்தி. "திருநீல கண்டத்துக் குயவனார்க் கடியேன்" - திருத்தொண்டத் தொகை “சொல்லைச் சிவன் திரு ஆணைதன் தூம்மொழி தோள் நசையால் ஒல்லைத் துறந்து உரு மூத்தற் பின் உமைகோன் அருளால் வில்லைப் புரைநுத லாளொடு இளமை பெற்று இன்பம் மிக்கான் தில்லைத் திருநீல கண்டக் குயவனாம் செய்தவனே” - திருத்தொண்டர் திருவந்தாதி ஒருசமயம் நீலகண்டர் வேறொரு பெண் வீட்டிற்கு சென்று வரவே, அவரது மனைவி "என்னை இனி தொடக்கூடாது. இது திருநீலகண்டத்தின் (சிவன்) மீது ஆணை!' என்றாள். சிவன் மீது கொண்ட பக்தியால், அவர் மீதான சத்தியத்திற்கு கட்டுப்பட்டார் நீலகண்டர். மனைவியைத் தொடாமலேயே பல்லாண்டுகள் வாழ்ந்தார். இவரது பக்தியை உலகறியச் செய்வதற்காக சிவன், ஒரு அடியவர் வடிவில் நீலகண்டரிடம் சென்று ஒரு திருவோடைக் கொடுத்தார். "இது விலைமதிப்பற்றது. நான் காசி சென்று திரும்பி வந்து வாங்கிக் கொள்கிறேன்!' என்று சொல்லிச் சென்றார். சிறிது நாள் கழித்து வந்து திருவோட்டை கேட்டார். நீலகண்டர் ஓடு இருந்த இடத்தில் பார்த்தபோது, காணவில்லை. வருந்திய பக்தர் தன்னை மனைவியுடனான பிரச்னையை சொல்ல மன்னிக்கும்படி கேட்டும் சிவன் ஒப்புக்கொள்ளவில்லை. மனைவியுடன் தீர்த்தக்குளத்தில் மூழ்கி "திருவோடு தொலைந்துவிட்டது!' என தில்லைவாழ் அந்தணர்கள் முன்னிலையில் சத்தியம் செய்து தரும்படி கேட்டார்.முடியாதவர், ஒரு குச்சியின் ஒரு பக்கத்தைப் பிடித்துக் கொண்டு, மறு முனையை மனைவியைப் பிடிக்கச் சொல்லி குளத்தில் இறங்குவதாகச் சொன்னார். சபையினர் ஒப்புக்கொள்ளவே அவ்வாறு செய்தார். அப்போது, அடியாராக வந்த சிவன், ரிஷபத்தின் அம்பிகையுடன் காட்சி தந்தார். திருநீலகண்டர் தம்பதிக்கு முதுமை நீக்கி, இளமையைக் கொடுத்தார். நீலகண்டரை நாயன்மார்களில் ஒருவராக பதவி கொடுத்தார். இதனால், சுவாமிக்கும் இளமையாக்கினார் என்ற பெயர் ஏற்பட்டது. தில்லைவாழ் அந்தணர்களுக்கு அடுத்து, இவரே முதல் நாயனாராக போற்றப்படுகிறார். தொடர்ச்சி அடுத்த பக்கத்தில்......
-
குலாலர் திலகங்கள்
திருநீலகண்ட நாயனார்
பக்கம் 2 இறைவன் மீதான பக்தியின் உச்சத்திற்கு நாயன்மார்கள் ஒவ்வொருவரும் ஒவ்வொருவிதமாக வாழ்ந்து காட்டியிருக்கிறார்கள். ஈசன் மீது ஆணையிட்டதற்காக இல்லற வாழ்வையே தியாகம் செய்த திருநீலகண்டர், பக்தி வைராக்கியத்தின் ஒரு வடிவம். அவரது புகழை உலகறியச் செய்ய ஈசன் நடத்திய திருவிளையாடல், பக்தன் மீதான இறைவனின் கருணையை வெளிப்படுத்துகிறது. இன்றும் ஆண்டுதோறும் திருநீலகண்டர் குருபூஜையின் போது, சிதம்பரம் இளமையாக்கினார் கோயிலில் உள்ள குளத்தில் தம்பதியராக மூழ்கி எழும் வைபவம் நடத்தப்படுகிறது. திருநீலகண்ட நாயனாருக்கு, திருப்பூரில் குருபூஜை விழா நடந்தது. கொங்கு குலால சமுதாயப்பேரவை சார்பில் திருநீலகண்டபுரம், செல்வ விநாயகர் கோவிலில் திருநீலகண்ட நாயனார் குருபூஜை நடந்தது. பெண் பக்தர்கள் முத்து மாரியம்மன் கோவிலில் இருந்து மேளதாளம் முழங்க ஊர்வலமாக தீர்த்தம் எடுத்து வந்தனர். விநாயகருக்கு புஷ்ப அலங்காரம் செய்து, அபிஷேகம் நடந்தது. திருநீலகண்ட நாயனார் உருவப்படம் வைத்து, அரளி, துளசி, செவ்வந்தி உள்ளிட்ட பலவகை பூக்களால் சிறப்பு அலங்கராம் செய்யப்பட்டது. உணவு பதார்த்தங் கள் படைத்து, திருநீலகண்ட நாயனாருக்கு குரு பூஜை நடந்தது. தொடர்ந்து, திருநீலகண்டரின் வாழ்க்கை வரலாறு பாராயணம் செய்யப்பட்டது; திரளான பக்தர்கள் பங்கேற்று, நாயனாரை வழிபட்டு, வரலாறு கேட்டனர். அடியார்களுக்கு காவி வேட்டி, துண்டு, திருவோடு வழங்கி, உணவு பரிமாறப்பட்டது; வேண்டுதல் நிறைவேறுவதற்காக, பெண்கள் அடியார்களிடம் மடியேந்தி, அன் னத்தை யாசகமாக பெற்றனர். மதியம் 1.00 மணிக்கு அன்னதானம் வழங்கப்பட்டது. * குலால சமுதாய முன்னேற்ற சங்கம் சார்பில், கரட்டாங்காடு ஸ்ரீசித்தி விநாயகர், மாகாளியம்மன் கோவிலில் திருநீலகண்ட நாயனார் குருபூஜை விழா நடந்தது. விழாவை முன்னிட்டு, காலை 5.00 மணிக்கு விநாயகர், மாகாளியம்மன் கோவி லில் உள்ள திருநீலகண்ட நாயனாருக்கு அபிஷேகம் செய்யப்பட்டு, மகா தீபாராதனை நடந்தது. புஷ்ப அலங்காரத்தில் எழுத் தருளிய திருநீலகண்ட நாயனார், வீதியுலா வந்து, பக்தர்களுக்கு அருள்பாலித்தார். தொடர்ந்து, அடியார்களுக்கு திருவோடு வழங்கி, அமுது யாசகம் அளிக்கப் பட்டது. பக்தர்கள் திரளாக பங்கேற்று, நாயனாரை வழிபட்டு, அவர் அருள்பெற்றனர். தமிழ்நாடு குலாலர்கள் சமூக கட்டமைப்பு இணைய தளம்
-
குலாலர் திலகங்கள்
கட்டிக்குளம் சூட்டுக்கோல் மாயாண்டி சுவாமிகள்
பக்கம் 1 கட்டிக்குளம் சூட்டுக்கோல் மாயாண்டி சுவாமிகள் 20ம்நூற்றாண்டில் மதுரை அருகே வாழ்ந்த ஒரு உயர்ந்த குலாலர் மகானை பற்றிப்பார்க்கவே இந்த பதிவு மதுரை ராமேஸ்வரம் மெயின் ரோட்டில் உள்ள திருப்பாச்சேத்தி அருகே உள்ள கட்டிக்குளம் என்ற ஊரில் குலாலர் தம்பதிகளுக்கு மகனாக பிறந்தவர் மாயாண்டி சுவாமிகள் பக்தர்கள் வாழ்வில் பல சித்து விளையாட்டுக்களை நிகழ்த்தியவர்.இவரிடம் சூடான கம்பி ஒன்று இருக்கும் இதை சூட்டுக்கோல் எனக்கூறுவர்.தம்மிடம் குறைகளை கூறவருபவரிடம் கைகளை நீட்டச்சொல்லி தொடச்சொல்வார்.நியாயம் அவர் பக்கத்தில் இருந்தால் அந்தக்கம்பி சுடாது அவர் அநியாயம் செய்பவராக இருந்தால் கம்பி சுடும்.சூடு தாங்க முடியாமல் அலறும் பக்தர்களை பார்த்து என்ன அப்பு உண்மை சுடுதா என சிலேடையாக இவர் கேட்பதுண்டு.பின்பு அவரை மன்னித்து அவரின் குறைகளை விளக்கி அவரின் பிரச்னைகளிலிருந்து காப்பாற்றுவார்.மதுரையில் இவரை வழிபடும் பக்தர்கள் அதிகம் இவருக்கு ஒரு வழிபாட்டு மன்றம் வைத்து வணங்கி வருகின்றனர் இவரின் அற்புதங்கள் பிரிட்டிஷ் ஆட்சிக்காலத்தில் ஒருமுறை ரயிலில் செல்லும்போது ஒரு வெள்ளைக்கார டிக்கெட் பரிசோதகர் இவர் தோற்றத்தை பார்த்து அடிக்காதகுறையாக ரயிலில் இருந்து இறக்கி விட்டிருக்கிறார்.இவர் இறங்கியவுடன் அந்த ரயில் அசையவில்லை.ரயிலை என்னென்னவோ முயற்சிசெய்தும் இயக்கமுடியாத சூழ்நிலை.என்ன செய்வதென்று தெரியாமல்.இறுதியில் அந்த பரிசோதகர் தன் தவறை உணர்ந்து இவரை மீண்டும் ஏற்றியவுடன் தான் ரயில் கிளம்பி சென்றுள்ளது.இதேபோல் காரைக்குடி அருகே குன்றக்குடி முருகன் கோவிலில் தேர்த்திருவிழாவில் இவர் இருக்க இவர் யாரென்று தெரியாமல் இவரை சிலர் தேரில் இருந்து இறக்கிவிட்டு இருக்கின்றனர்.இவரை இறக்கியவுடன் தேர் அசையவில்லை தன் தவறை உணர்ந்து இவரை மீண்டும் ஏற்றியவுடன் தேர் சென்றுள்ளது இப்படி பல சித்து விளையாட்டுக்களை புரிந்தவர் இவர். திருப்பரங்குன்றம் என்ற ஊருக்குப் போய் அங்கிருந்த திருக்கூடல்மலையில் தங்கினார். அவர் அங்கிருந்தபடி பக்தி மார்க்கத்தைப் பரப்பினார். பல மகிமைகளை செய்தார். தொடர்ச்சி அடுத்த பக்கத்தில்......
-
குலாலர் திலகங்கள்
கட்டிக்குளம் சூட்டுக்கோல் மாயாண்டி சுவாமிகள்
பக்கம் 2 கட்டிக்குளம் சூட்டுக்கோல் மாயாண்டி சுவாமிகள் அந்த ஊரிலேயே பெரும் பணக்காரராக கருப்பண்ண கோனார் என்பவருக்கு பூர்வ ஜென்ம கர்ம வினையினால் வாழ்கை முடிய உள்ளது என்பதை தெரிந்து கொண்டவர், கருப்பண்ண கோனார் வேண்டிக் கொண்டதினால் நாற்பத்தி எட்டு நாட்கள் தவம் இருந்து அவருடைய ஜென்ம கர்மாக்களை தன் மீது ஏற்றிக் கொண்டு அவருக்கு உயிர் பிச்சை தந்தாராம். கருப்பண்ண கோனாரே அந்த இடத்தில் சுவாமிகளின் உத்தரவின்படி ஆலயம் மற்றும் சமாதிகளைக் கட்டினாராம். அது போல வெகு காலம் ஆண் குழைந்தையே இல்லாமல் இருந்த ஒரு தம்பதியினருக்கு அவர்களுக்குப் பிறக்க உள்ள பத்தாவது குழைந்தையே ஆண் குழந்தையாக இருக்கும் எனக் கூற அப்படியே அது நடந்ததாம். அதன்பின் ஸ்வாமிகள் பல இடங்களுக்கும் விஜயம் செய்து பக்தி மார்க்கத்தைப் பரப்பியவண்ணம் பக்தர்களுக்கு அருளாசி தந்து அவர்களுடைய வாழ்க்கை பிரச்சனைகளை தமது சக்தியினால் தீர்த்து வைத்தார் . பல இடங்களில் வழிபாட்டு மன்றங்களை நிறுவினார்.. மாயாண்டி ஸ்வாமிகள் சன்னதி இப்படியாகப் பல மகிமைகளை செய்து காட்டியவண்ணம் ஆன்மீகப் பயணத்தில் இருந்தவர் 1930 ஆம் ஆண்டு சமாதி அடைய அவருடைய சமாதி திருக்கூடல் மலையில் நிறுவப்பட்டது.தமிழ்நாடு குலாலர்கள் சமூக கட்டமைப்பு இணைய தளம்
-
குலாலர் திலகங்கள்
மன்னர் சாலிவாகனன் சகாப்தம்
பக்கம் 1 சாலிவாகனனின் நிஜப் பெயர் சதகர்ணி மகாராஷ்டிராவின் ஜுன்னார் (புனே), பிரதிஸ்தான், ஆந்திரப் பிரதேசத்தின் அமராவதி ஆகிய பகுதிகளிலிருந்து கிமு 230 தொடக்கம் கிபி 220 வரை தெற்கு மற்றும் மத்திய இந்தியப் பகுதிகளை ஆண்ட ஒரு அரச மரபினராவர். இம் மரபினரின் ஆட்சி முடிவுக்கு வந்த காலம் தொடர்பில் கருத்து வேறுபாடுகள் காணப்படினும், இது கிபி 200 வரை 450 ஆண்டுகாலம் ஆட்சியில் இருந்ததாகக் கொள்ளப்படுகின்றது. மௌரியப் பேரரசின் பின்னர், வெளிநாட்டினரின் தாக்குதல்களை முறியடித்து, நாட்டில் அமைதியை நிலைநிறுத்தியதில் சாலிவாகனன் பங்கு முக்கியமானது.சாலிவாகனன் பற்றிய முதலாவது குறிப்பு கிமு 8 ஆம் நூற்றாண்டைச் சேர்ந்ததாகக் கருதப்படுகின்ற ஐதரேய பிராமணத்தில் காணப்படுகின்றது. புராணங்களும், இவர்களால் வெளியிடப்பட்ட நாணயங்களும் இவர்களை சாதவாகனர், சதகர்ணிகள், ஆந்திரர், ஆந்திரபிரித்தியர் எனப் பல்வேறு பெயர்களால் குறிப்பிடுகின்றன. கிரேக்கப் பயணியானமெகஸ்தெனசின் ஒரு குறிப்பின்படி இவர்கள் 100,000 காலாட்படையும், 1,000 யானைகளும், 30 சிறப்பாக அமைக்கப்பட்டு அரண் செய்யப்பட்ட நகரங்களும் இருந்ததாகத் தெரிகிறது. சாலிவாகனனின்நிஜப் பெயர் சதகர்ணி.இன்றைய ஆந்திர –ஒரிஸ்ஸா – மகாராஷ்டிரா எல்லைகளில்அமைந்த ஒரு குறு நிலமன்னன். இவனது தாய் பெயர் கௌதமி. பின்னாளில் தன் பெயரை “கௌதமி புத்ர சதகர்ணி” என்று இம்மன்னன் பதிவு செய்து கொண்டான்.தாய் மீதுஅவ்வளவு அன்பு. இளம் வயதில், அவனுக்கு ஒரு சாம்ராஜ்ஜியத்தை உருவாக்கிஆளவேண்டும் என்ற கனவுஉண்டு. ஒருசமயம் சுவர்ணன் என்கிற வியாபாரி பயணத்தின் போது, திருடர்களால் தாக்கப்பட சாலிவாகனன் சென்று அந்தவியாபாரியைக் காப்பாற்றுகிறான்.இதனால் மகிழ்ந்த அந்த வியாபாரி, அந்த ஊரிலேயே தங்கி, சாலிவாகனனின் அரசுக்கு நிறையபொருளுதவி செய்கிறான்.அதனைக் கொண்டு சாலிவாகனன் மேலும் தன் படை பலத்தை விரிவு படுத்துகிறான். பயந்துதப்பித்து ஓடிய திருடர்கள்,பக்கத்து நாடானபிரதிஷ்டானம்(மகாராஷ்டிரத்தில் ஒருபகுதி) என்கிற தேசத்து மன்னன் மகாபானனை சந்தித்து சாலிவாகனன் அந்நாட்டின் மீது படையெடுத்துவருவதற்காக தயார் செய்து கொண்டிருப்பதாகசொல்கின்றனர். தொடர்ச்சி அடுத்த பக்கத்தில்......
-
குலாலர் திலகங்கள்
மன்னர் சாலிவாகனன் சகாப்தம்
பக்கம் 2 இதனால் கோபம் அடைந்த அம்மன்னன் அதற்கு முன் தானே சென்று சாலிவாகனனை அடக்குவதாக சபதம்எடுக்கிறான். இந்நிலையைஉணர்ந்த சாலிவாகனன்,முன்னெச்சரிக்கையாகமகாபானன்படைதிரட்டும் முன்பே, திடீரென்று தாக்கி அவனை தோற்கடித்துவிடுகிறான்.இவ்வாறு சாலிவாகனின்ஆட்சி மேலும் விரிவடைகிறது. மேலும் பல போர்களில் நாட்களை கழித்து விடுவதால் சாலிவாகனன்முறையாக கல்வி கற்க இயலவில்லை. தனக்கு அதிகம் படிப்பறிவின்மையால் அரசாட்சி புரியசர்வவர்மன்,குணாத்யாஎன்று இரு அறிஞர்களைஅமைச்சர்களாக அமர்த்திக் கொண்டான். சிலகாலம்சென்றபின் நாகனிகை என்ற இளவரசியை மணந்து கொண்டான். அவள் மிகுந்த ஞானம் உடையவள். ஒரு முனிவரின்ஆசிரமத்தில் சிறுவயதிலிருந்து வளர்ந்தவள். அதனால் கல்வி கேள்விகளில் சிறந்து விளங்கினாள்.சம்ஸ்க்ருதத்தில் மிகுந்தபுலமை உடையவள். அவள் சம்ஸ்க்ருதத்தில் பேசுவதைமிகவும் ரசித்தான்சாலிவாகனன். அந்நாட்களில் சம்ஸ்க்ருதமே அரசவை மொழியாக இருந்து வந்தது. சாலிவாகனனின் அவையில் மட்டும் ப்ராக்ருத மொழிபயன்பட்டுவந்தது. சம்ஸ்க்ருத மொழியின் அழகினை உணர்ந்து இனி தன் அரசவையில் அனைவரும்சம்ஸ்க்ருதத்தில் தான்பேச வேண்டும் என்று உத்தரவிட்டான். தனக்கே சம்ஸ்க்ருதம் சரியாகத் தெரியாத போதும்இப்படி ஒரு உத்தரவு போட்டு விட்டான். இவ்வாறுசில நாட்கள் கழிந்தன. ஒரு நாள் அரண்மனை அந்தப்புரத்தில் உள்ள சிறு குளத்தில் அரசன் நீராடிக்கொண்டிருந்த போது அங்கே நாகனிகை வர நேர்ந்தது. அவளைக் கண்டு, கொஞ்சம் நீரை அள்ளி அவள் மீது வீசினான்மன்னன்.அவள் சம்ஸ்க்ருதத்தில்தான் பேச வேண்டும் என்ற அரசாணையை உணர்ந்து கொண்டு அவனைப் பார்த்து சிரித்து, “மோதகை: ஸிஞ்ச மாம்!” (मोदकै: सिञ्च मां)” என்று கூறினாள். இதைக் கேட்ட மன்னன் சேவகர்களை அழைத்துசமையல் அறையில்இருந்து இனிப்புகளைஎடுத்து வந்து அரசியின் மீது தெளிக்கச் சொன்னான். இந்த ஆணையைக் கேட்டு நாகனிகை சிரித்துவிட்டாள். அவள்சொன்னது “மா உதகை: ஸிஞ்ச மாம்!” (मा उदकै: सिञ्च मां ) – உதகம் என்றால் நீர். மா என்றால்வேண்டாம். ஸிஞ்ச என்றால் தெளிப்பது. என் மீது நீர் தெளிக்காதீர் என்று பொருள். ஆனால் மன்னன்புரிந்து கொண்டதுமோதகம் என்றால்இனிப்பு. தொடர்ச்சி அடுத்த பக்கத்தில்......
-
குலாலர் திலகங்கள்
மன்னர் சாலிவாகனன் சகாப்தம்
பக்கம் 3 இனிப்பை என் மீது தெளி என்று சொல்வதாக தவறாக புரிந்து கொண்டான். அவள் சிரிக்கவும்வெட்கப் பட்டு அங்கிருந்து விலகினான். பின்னர்அரசவைக்கு வந்து சர்வவர்மா,குணாத்யா இருவரையும்அழைத்து தனக்குவிரைவாக சம்ஸ்க்ருதம்கற்றுக் கொடுக்க முடியுமா என்று கேட்டான். குணாத்யா அது மிகக் கடினம் – குறைந்தது பனிரெண்டு வருடங்களாவது ஆகும்என்றுகூறிவிட்டார். அவ்வளவுகாலம் செலவிட முடியாது என்று கூற, பதிலுக்கு சர்வ வர்மன் ஆறே மாதத்தில் கற்றுத் தருவதாக சபதமிட்டார். இதுநடக்கவே நடக்காது,அவ்வாறு மட்டும் ஆறேமாதத்தில் மன்னன் சம்ஸ்க்ருதம் கற்றுக் கொண்டு விட்டால் தான் சம்ஸ்க்ருதத்தில்பேசுவதையே விட்டு விடுவதாக குணாத்யாவும் சபதம் இட்டார். சாலிவாகன மன்னனுக்காகவே சர்வவர்மா புதிதாககா-தந்த்ர வ்யாகரணம் என்ற புதிய இலக்கண நூலை இயற்றி அந்நூலைக் கொண்டு ஆறே மாதத்தில் சம்ஸ்க்ருதம்கற்றுக் கொடுத்துவிட்டார். பின்னர்அரசவைக்கு வந்த மன்னனை குணாத்யா ஒரு ஸ்லோக வடிவில் சம்ஸ்க்ருதத்தில் கேள்வி கேட்க, மன்னனும் பதிலை ஸ்லோகமாகவே சொல்லவும்அனைவரும் மகிழ்ந்தனர்.சபதத்தில் தோற்ற குணாத்யா அரசவையை விட்டு விலகி கானகம் சென்றார். கானகம்சென்றவர் அங்கு வழக்கில் இருந்த பைசாசி மொழியில் ப்ருஹத் கதா என்ற நெடிய கதைகளை எழுதினார். அவர்திரும்ப அக்கதைகளை சாலிவாகனனின் அங்கீகாரம் வேண்டி எடுத்து வந்து அவனிடம் காண்பித்ததாகவும், பைசாசி மொழியை மன்னன் அங்கீகாரம் செய்யாததால், மனம் வெறுத்து அக்கதையில் தீயில் இடப்போக,மன்னனும் மனது மாறி, குணாத்யாவை தடுத்து அந்நூலை மீட்டார்என்றும் கூறப்படுகிறது. அக்கதைகள்பின்னர் ப்ருஹத் கதா மஞ்சரி என்ற பெயரில் க்ஷேமேந்திரரால் சம்ஸ்க்ருதத்தில் மொழிபெயர்க்கப் பட்டது. இன்றைக்குசுமார் இரண்டாயிரம் ஆண்டுகள் முன்பு வாழ்ந்த சாலிவாகனன் பல வெற்றிகள் பெற்று பெரும் நிலப் பரப்பைஆண்ட பேரரசன். தொடர்ச்சி அடுத்த பக்கத்தில்......
-
குலாலர் திலகங்கள்
மன்னர் சாலிவாகனன் சகாப்தம்
பக்கம் 4 அவன் தன் ஆட்சியில்ஏற்படுத்திய வருடக்கணக்கு இன்றும் ஆந்திர, கர்நாடகப் பகுதிகளில்உபயோகப் படுத்தப்பட்டு வருகிறது. 1000௦௦௦ வருடமுன்பு பட்டியும் விக்ரமாதித்தனும் காளி தேவியை வேண்டி வரம் இருந்து பட்டி 2000௦௦௦ வருடமும் விக்ரமாதித்தன் 1000௦௦௦ வருடமும் அரசாளுவார்கள் என்று வரம் பெறுகிறார்கள் பட்டியை விட விக்ரம்மதிதனுக்கு 1000௦௦௦ வருடம் குறைவாக இருப்பதால் அவர் ஆறு மாதம் நாடாள்வர் ஆறு மாதம் காட்டில் வாசிப்பார் அவர்கள் நல்ல முறையில் ஆட்சி நடத்தி வந்தனர் அவர்களை யாராலும் ஜெயிக்க முடியவில்லை குயவன் மகளும் ஒரு மகனை ஈன்றெடுத்தாள் அவன் தான் சாலிவாகனன் இறைவன் கூறிய படியே குழந்தை மிக புத்திசாலியாகவும் பலசாலியாகவும் இருந்தான். முனிவரும் தன மகனுக்கு அனைத்து கலைகளையும் கற்பித்தார் குயவனும் தங்கள் குல தொழிலை கற்று கொடுத்தான் குழந்தையும் வளர்ந்து பெரியவன் ஆனான் அனைத்தும் கற்று தேர்ந்தான் பட்டியும் விகரமாதித்தனும் தங்களை வெல்ல யாருமே இல்லை தாங்கள் தான் உலகிலேயே மிக சிறந்தவர்கள் என பறை அறிவித்தனர் இதனை கண்ட சாலிவாகனன் தான் அவர்களுடன் போர் புரிய தயார் என அறிவித்தான் இதை கேட்ட அனைவரும் எள்ளி நகையாடினர் பட்டியும் விகரமாதித்தனும் போயும் போயும் ஒரு குயவனா நம்முடன் மோதுவது என்று சினம் கொண்டு சண்டைக்கு நாள் அறிவித்தனர் சாலிவாகனன் போருக்கு தேவையான கருவிகள் யானை குதிரை சிப்பாய் என எல்லாவற்றையும் மண்ணால் செய்து தந்தையிடம் கற்ற மந்திரங்களை உச்சரித்து அனைத்து பொருள்களுக்கும் உயிர் கொடுத்தான் அரசனது படையை விட நூறு மடங்கு பெரிய படை கொண்டு எளிதாக வென்றான் சட்டி பானை செய்யும் சக்கரத்தை கொண்டு விக்ரமாதித்தனயும் கொன்று அந்த நாட்டிற்கு மன்னன் ஆனா 56 தேசங்களை ஆண்டர் சாலிவாகனன் சகாப்தம். தமிழ்நாடு குலாலர்கள் சமூக கட்டமைப்பு இணைய தளம்
-
குலாலர் திலகங்கள்
வெண்ணிக் குயத்தியார்
வீரப் பெண்மணி வெண்ணிக் குயத்தியார் வெண்ணிக்குயத்தியார் சங்க காலத்தில் வாழ்ந்த ஒரு தமிழ்ப் பெண் கவி குலாலர் குலத்தைச் சேர்த இவரின் ஒரு பாடல் மட்டும் புறநானுற்றில் 66 பாடலாக அமைகிறது. இதர பாடல்கள் கிடைக்கவில்லை. இவரின் ஒரு பாடல் புறநானுற்றில் * பாடப்பட்டோன்: சோழன் கரிகாற் பெருவளத்தான். * திணை: வாகை. துறை: அரச வாகை. வளி தொழில் ஆண்ட உரவோன் மருக! களி இயல் யானைக் கரிகால்வளவ! சென்று, அமர்க் கடந்த நின் ஆற்றல் தோன்ற வென்றோய்! நின்னினும் நல்லன் அன்றே கலி கொள் யாணர் வெண்ணிப் பறந்தலை, மிகப் புகழ் உலகம் எய்தி, புறப் புண் நாணி, வடக்கிருந்தோனே? திணை வாகை; துறை அரச வாகை. சோழன் கரிகாற் பெருவளத்தானை வெண்ணிக் குயத்தியார் பாடியது. சங்க காலத்தில் வாழ்ந்த ஒரு தமிழ்ப் பெண் கவி. இவரது கடமைப்பாட்டு என்ற தனிப்பாட்டுக்காக அறியப்படுகிறார். தமிழ்நாடு குலாலர்கள் சமூக கட்டமைப்பு இணைய தளம்
-
குலாலர் திலகங்கள்
P.S.உடையார்
P.S.உடையார் -
குலாலர் திலகங்கள்
குலாலர்குலவள்ளல் A.S.சுப்புராஜ்,எம்.எல்.ஏ
பக்கம் 1 குலாலர் குலவள்ளல் A.S.சுப்புராஜ் குலாலர்குலவள்ளல் A.S.சுப்புராஜ்,எம்.எல்.ஏ 1914ஆம் வருடம் ஜுலை மாதம் 28ஆம் போடிநாயக்கனூர் பங்கஜம் குடுபத்தில் பிறந்த இவர் (ஜ.கா.நி.மேல்நிலைப்பள்ளி)விக்டோரியா மேல்நிலைப்பள்ளியில் கல்வி கற்றார்.போடிநாயக்கனூர் அழகண்ணன் சொட்டியார்,எம்.எல்.ஸி முன்னாள் தென்னிந்திய குலாலர் சங்கத் தலைவரின் பேரனும் அ.சுப்பன் சொட்டியாரின் மகனும் ஆவார். ஆற்றிய பணிகள் • உத்தம்பாளையம் சட்டமன்ற உறுப்பினர் 1952-1957 • போடிநாயக்கனூர் சட்டமன்ற உறுப்பினர் 1957-1963 • போடிநாயக்கனூர் நகர்மன்ற தலைவர் • நடுவராயத்தின் தலைவர் (Bench Court) • வியாபாரிகள் சங்கத்தலைவர் • கூட்டுறவு வீடு கட்ட்டமனை சமூகத்தலைவர் • விவசாய வங்கி தலைவர் • நில அடமான வங்கி தலைவர் • கூட்டுறவு விற்பனையக சங்கத்தலைவர் • சேதுராமன் நினைவு குழந்தைகள் இல்லத்தலைவர் • நாகம்மாள் விடுதி தலைவர் • தென்னிந்திய ஏல விவசாயிகள் சங்கத்தலைவர் போடி • போடிநாயக்கனூர் பிரந்திய தென்னிந்திய ஏல விவசாயிகள் சங்கத்தலைவர் • சீதாலட்சுமி மில் இயக்குநர் தர்மகர்த்தா-இராமேஸ்வரம் தேவாஸ்தானம் இராமேஸ்வரம் செயலாளர் • ஜ.கா.நி.மேல்நிலைப்பள்ளி(விகடோரியா நினைவு மேல்நிலைப்பள்ளி) போடிநாயக்கனூர் • பங்கஜம் பெண்கள் மேல்நிலைப்பள்ளி போடிநாயக்கனூர் உறுப்பினர் • தக்கார் பாபா வித்தியாலயம் சென்னை • மதுரை கல்லூரி நிர்வாக குழு • காந்திகிராம பல்கலைகழக நிர்வாக குழு நாட்டுப்பணி இந்தியா நாட்டின் விடுதலைக்காக சிறை சென்றார்.பெண்கல்விக்காக பாடுபட்டார். தமிழ்நாட்டின் விவாசயம் மின் உற்பத்தி, தொழிற்சாலைகள் மேம்படுத்த தமிழக முதல்வர் 1960ல் தமிழக நிதியமைச்சர் C.சுப்பிரமணியம் தலைமையில் அ.சு.சுப்புராஜ், C.R.ராமசாமி ஆகியோர் கொண்ட குழுவை லண்டன்(UK) அனுப்பினார். அன்றைய மதுரை மாவட்ட மக்களின் தொழில் வளத்தை மேம்படுத்த தேனியில் போஜ்ஜாராஜ் மில்லை தோற்றுவித்து இந்தியா நாட்டின் முதல் பிரதமர் நேரு அவர்களால் திறக்க செய்தார். தொடர்ச்சி அடுத்த பக்கத்தில்......
-
குலாலர் திலகங்கள்
குலாலர்குலவள்ளல் A.S.சுப்புராஜ்,எம்.எல்.ஏ
பக்கம் 2 போடி முதல் போடிமெட்டு 23கி.மீ மலைசாலை திட்டத்தை 23.40இலட்சத்தில் நிறைவேற்றினார் போடிமெட்டு மலைசாலை அமைக்க அரசின் திட்டமதிப்பீடு அதிகமான போது தன் சொந்த செலவில் தானே முன்னின்று போடிமெட்டு மலைசாலை நிறைவேற்றிய வள்ளல் . இன்று தொண்டி-கொச்சி தேசியநெடுஞ்சாலையாக உள்ளது. போடிநாயக்கனூரில் அ.சு.சுப்புராஜ் சத்திரத்தை நிறுவி பசி என்று வந்தவருக்கு உணவளித்த பாரி வள்ளல்.அனதைக்குழந்தைகளை காக்க போடிநகரில் சேதுராமன் நினைவு குழந்தைகள் இல்லத்தை நிறுவினார் இன்று A.S. சுப்புராஜ் நினைவு குழந்தைகள் இல்லமாக சீறும் சிறப்புமாக இயங்கி வருகிறது. குலாலர் சமுதயத்திற்கு ஆற்றிய பணிகள் • B.C பிரிவில் இருந்த குலாலர் சமுதயத்தை MBC பிரிவிற்கு மற்றினார் • இராமேஸ்வரம்,பழநி,திருப்பரங்குன்றம்,திருச்செந்தூர் போன்ற இடங்களில் குலாலர் மண்டபங்களை நிறுவினார். • தேனிமாவட்டம் வீரபாண்டி கெளமாரியம்மன் கோவில் திருவிழா காலங்களில் தீச்சட்டி,மண்பாண்டங்கள் விற்க்க குலாலர் பொதுமனையை ஏற்படுத்த இடம் வழங்கினார். போடிநாயக்கனூரில் குலாலர்பாளைத்தில் வசிக்க குலாலர் மக்களுக்கு தன் சொந்தநிலத்தை வழங்கினார். போடிநாயக்கனூரில் குலாலர் மக்களுக்காக மண்பாண்டங்கள் விற்க்க செய்ய இடம்,சுடுகாடு, கோவிலுக்கு இடம் என 3.7.1944ல் குலாலர் ஜாதி பொதுமைக்கு தானமாக வழங்கினார். மற்ற சமுகத்தினருக்கும் தன் ஏராளமான சொத்துக்களை தானமாக வழங்கினார். “ தோன்றின் புகழ்ளோடு தோன்றுக” என்ற திருவள்ளுவரின் குறளுக்கேற்ப வாழ்ந்தார். 1963வருடம் பிப்ரவரி மாதம் 22ம் நாள் வெள்ளிக்கிழமை 3.30 மணிக்கு மண்ணுலகை விட்டு விண்ணுலகம் சென்றார்.மிக குறுகிய காலமே வாழ்தாலும் இவர் செய்த அறப்பணிகளால் மக்களின் மனதில் என்றும் நிலைத்து நிற்கிறது இவரது புகழ். தொகுப்பு. தமிழ்நாடு குலாலர்கள் சமூக கட்டமைப்பு இணைய தளம்
-
குலாலர் திலகங்கள்
அத்துகுரி மொள்ள இராமாயணம்
அத்துகுரி மொள்ள இராமாயணம் தமிழில் கம்ப இராமாயணம் எப்படி புகழ் பெற்றதோ அது போல் தெலுங்கில் புகழ் பெற்ற இராமாயணம் மொள்ள இராமாயணம். இது வால்மீகிஇராமாயணத்தை ஒட்டியே அமைந்துள்ளது. இக்காவியம் நாரதரிடம் வால்மீகி கதை கேட்பது போல் அமைந்திருக்கிறது. இந்த இராமாயணம் முழுவதும் 824 பதிகங்களுக்குள் சுருக்கமாக அடங்கிவிடுகிறது. இந்த இராமாயணத்தில் அயோத்தியா காண்டம் 43 பதிகங்களைக் கொண்டது. ஆரண்ய காண்டம் 75 பதிகங்களும், கிஷ்கிந்தா காண்டம் 27 பதிகங்களும், சுந்தர காண்டம் 247 பதிகங்களும், யுத்த காண்டம் 351 பதிகங்களும், மீதமுள்ள பதிகங்கள் பால காண்டம் மற்றும் பிற காண்டங்களாக உள்ளன. இதை இயற்றிய அத்துகுரி மொள்ள என்பவர் ஒரு பெண் புலவர். பதினாறாம் நூற்றாண்டைச் சேர்ந்த இவரின் தந்தை பெயர் கேசன செட்டி. ஆந்திரமாநிலம், நெல்லூர் மாவட்டம் கோபவரம் எனும் ஊரைச் சேர்ந்த இவர் குயவர் குலத்தைச் சேர்ந்தவள். இவருக்கு முன் தெலுங்கில் காவியம் இயற்றிய பெண்கள் யாரும் இல்லை என்பது இங்கு குறிப்பிடக்கூடியது. இந்நூல் உருவான விதம் குறித்துக் கதை ஒன்று உண்டு. தமது ஊரில் உள்ள கோயிலில் "மொள்ள" ஆழ்ந்த தியானத்தில் இருந்தாராம். அப்போது,இராமர் அவர் முன் தோன்றி உடனே இராமாயணத்தைப் பாடுமாறு கூறி மறைந்தாராம். கோயில் பூசகர் உடனடியாகவே வேண்டிய ஒழுங்குகளைச் செய்யவே, சற்று நேரம் தியானத்தில் இருந்த "மொள்ள" இராமாயணத்தைப் பாடத்தொடங்கிச் சிறிது நேரத்திலேயே முழுவதையும் பாடி முடித்ததாகச் சொல்லப்படுகின்றது. மொள்ள தனது காவியச் செய்யுள்களில், தான் இலக்கணம் படிக்கவில்லை என்றும், கோபவரத்து ஸ்ரீகண்ட மல்லேசனுடைய கருணையாலும், ஸ்ரீ ராமச்சந்திரன் ராமாயணம் பாடு என்று சொன்னதாலும் ராமாயணத்தை எழுதத் துணிந்ததாகவும் தெரிவித்திருக்கிறாள். தமிழ்நாடு குலாலர்கள் சமூக கட்டமைப்பு இணைய தளம்
-
குலாலர் திலகங்கள்
தியாகி பொருமாள் உடையார்
தியாகி பொருமாள் உடையார் சுதந்திரப் போராட்ட வீரர் தியாகி பொருமாள் உடையார் அண்ணல் மகாத்மா காந்திஜி அவர்கள் "வெள்ளையனே வெளியேறு என்று வீரமுமுலக்கமிட்ட சுதந்திரப் போராட்டத்தில் பங்குபெற்று சிறை சென்றற் சுதந்திரப் போராட்ட வீரர் தியாகி பொருமாள் உடையார். தமிழ்நாடு குலாலர்கள் சமூக கட்டமைப்பு இணைய தளம்
-
குலாலர் திலகங்கள்
கவிச் சக்கரவர்த்தி கம்பர்
அழகிய குயவன் ஆவேன் கம்பர் கவிச் சக்கரவர்த்தி கம்பருக்கும், ஔவையாருக்கும் இப்படி ஒரு வாக்குவாதம் நடந்ததாக ஒரு கதை உண்டு. கம்பர் ஔவையை "ஒரு காலடீ நாலிலைப் பந்தலடி!" என்று சொல்லிப் பொருள் கேட்டதாகவும் அதை 'அடீ' என்று தன்னைக் கேலி செய்து பாடியதாகக் கொண்டு ஔவை 'அடா!' என்று வருமாறு அமைத்து எதிர்ப் பாட்டாக கீழ்க்கண்ட பாடலைப் பாடியதாகவும் சொல்கிறார்கள். கம்பர் கேட்டது ஒரு கொடியை அடியாகக் கொண்டுள்ளதும் நான்கு இலைகளைப் பந்தல் போல உடையதுமான ஆரைக் கீரையைப் பற்றியதாகும். ஔவை அதற்கு விடை தருவது போலப் பாடுகிறார்: "எட்டேகால் லட்சணமே! எமனேறும் பரியே! மட்டில் பெரியம்மை வாகனமே!- முட்டமேல் கூரையில்லா வீடே! குலராமன் தூதுவனே! ஆரை அடா சொன்னாய் அடா! ( எட்டேகால்- தமிழ் எழுத்தில் 'எட்டு'க்கு 'அ' என்றும், 'கால்' அளவைக்கு 'வ' என்றும் குறியீடு உள்ளது. அதன் படி, எட்டேகால் லட்சணமே - அவ லட்சணமே! யமன் ஏறி வரும் எருமை மாடே! அழகு கெட்ட மூதேவி(பெரியம்மை)யின் வாகனமாகிய கழுதையே! முழுதும் மேலே கூரை இல்லாத குட்டிச் சுவரே! ராம தூதனாகிய குரங்கே! நீ சொன்னது ஆரைக்கீரையடா.) இப்படியா கடுமையாக ஏசிக் கொள்வார்கள்? நமது நவீன எழுத்தாளர்களின் 'நாச்சியார்மட' ஏச்சு இதனிடம் பிச்சை வாங்க வேண்டும்! கம்பரின் எதிரியான ஒட்டக்கூத்தருக்கும் இப்படி ஒரு ஏச்சு கிடைத்திருக்கிறது. குயவர் இனத்தைச் சேர்ந்த புலவர் ஒருவரை " நீ யாரடா?" என்று அகம்பாவத்தோடு கேட்க, அதற்குப் பதிலாக அவர் பாடிய பாடல் இது: "மோனை முத்தமிழ் மும்மதமும் பொழி யானை முன் வந்து எதிர்த்தவன் யாரடா?' - என்று கேட்டதற்கு "கூனையும் குடமும் குண்டுசட்டியும் பானையும் வனை அங்குசப் பையல் யான்" - என்று பதில் வந்தது. - 'மோனை முதலியவை நன்கு அமைந்த முத்தமிழ்க் கவிதைகளான மும்மதங்களையும் பொழிகின்ற யானையைப் போன்ற எம்முன் வந்து நின்ற நீ யாரடா?' என்று ஒட்டக்கூத்தர் கேட்க, 'நான் சால், குடம், குண்டுசட்டி, பானை முதலிய மண் பாத்திரங்களைச் செய்யும் அழகிய குயவன் ஆவேன்' என்று பதில் கிடைத்தது. 'அங்குசம் - அழகிய குயவன், யானைய அடக்கும் அங்குசம் போன்றவன் என்றும் பொருள். தமிழ்நாடு குலாலர்கள் சமூக கட்டமைப்பு இணைய தளம்
-
குலாலர் திலகங்கள்
அஞ்சாசிங்கம் குலாலன் M.பெரிய வீரன் Ex MLA
பக்கம் 1 அஞ்சாசிங்கம் குலாலன் M.பெரிய வீரன் Ex MLA., அச்சம் என்பது மடமையடா..அஞ்சாமை திராவிடர் உடமையடா.. தேனி மாவட்டத்தில். பெரியகுளம் தொகுதி ஓர் அழகிய தொகுதி பச்சை பசேரென தென்னை மரங்களும், மலைகளின் இளவரசி என அழைக்கப்படும் கொடைகானலும் உட்பட்ட தொகுதி. இப்பகுதியில் கள்ளிப்பட்டி என்னும் கிராமம் அக்கிராமத்தில் பெரிய குடும்பம் என்றழைகின்ற அரசன் குலாலர் குடும்பம் ஏராளமான வயல் வெளிகளுடன் பண்ணையாருக்குரிய மதிப்பு கொண்டது அவரின் குமாரர் முத்து பையம்மாள் தம்பதியரின் மகனாக 1956 ம் ஆண்டு டிசம்பர் 11 ல் பிறந்தார் வீராச்சாமி எருது கட்டி போரடித்தால் மாளாது என்று யானை கட்டி போரடித்த குடும்பம். கால சக்கரத்தால் வழக்கு நீதிமன்ற படிகளில் ஏறியது . அதனால் சொத்துகளும். சுகங்களும் பறந்தோடன. குலத்தொழிலான மண்பாண்ட தொழில் அவர் குடும்பத்தை பசியாற வைத்தது . நீண்ட நெடுந்தோளும், அகண்ட மார்பும் அனைத்து அம்சங்களுடன் வளர்ந்த வீராச்சாமி கடினமாக உழைத்தார்.கடின உழைப்புக்கு ஈடு இணை ஏதுமில்லை என்பதால் குடும்பம் மீண்டும் தழைந்தது மண்பாண்ட தொழிழும் நாட்டு செங்கல் உற்பத்தியை துவங்கினார். சிறுவயது முதலே எம் . ஜி . ஆர் நடித்த திரைப்படங்களில் ஆர்வம் மிக்கவர் அவரின் தீவிர ரசிகரும் ஆவார். அவரைப் போலவே அஞ்சா நெஞ்சம் கொண்டவராக வளர்ந்தார். சமூக ஈடுபாடு ஏழைகளுக்கு உதவுதல். அனைத்து சமூகத்தினருடன் பழகுதல் போன்ற குணங்கள் குலாலானுக்கு பிறப்பிலே உண்டு எம் .ஜி .ஆர். புதிய கழகத்தை துவங்கி தமிழக முதல்வராக பதவி ஏற்றபின் கட்சி நடவடிக்கைளில் பங்கு கொண்டார் 1980 ல் தீவிர அரசியலில் பங்கு கொண்டவர்.எம் .ஜி .ஆர்ன் ஆட்சி கலைக்கப்பட்டதை எதிர்த்து காவலர் களுடன் துணிந்து போராடினார். தொடர்ச்சி அடுத்த பக்கத்தில்......
-
குலாலர் திலகங்கள்
அஞ்சாசிங்கம் குலாலன் M.பெரிய வீரன் Ex MLA
பக்கம் 2 பின்னர் சிறைவாழ்க்கை முடிந்து வீடு திரும்பியவர் தீவிர அரசியலில் வீறுகொண்டு எழுந்தார் இவரின் தீவிர அரசியல் பணி நேர்மை இவற்றை கண்ட அப்போதைய அமைச்சர் இராஜா முகம்மது சிறை சென்றவர் களுக்கான பாராட்டு விழாவில் இவருக்கு பெரிய வீரன் என்று பெயர் சூட்டினார். அன்றிலிருந்து வீராச்சாமி என்ற பெயர் பெரிய வீரன் என மாறியது. வாழ்வில் பெயர் மட்டும் மாறவில்லை அவரின் அரசியல் பணிக்கு கிடைத்த அச்சாரமாக பெரியகுளம் தொகுதி சட்டமன்ற உறுப்பினர் வேட்பாளராக கட்சியின் பொது செயலர் ஜெ.ஜெயலலிதா அவர்களால் அறிவிக்கப்பட்டார். அஞ்சாசிங்கம் குலாலன் M.பெரிய வீரன் Ex MLA., தமிழ்நாடு குலாலர்கள் சமூக கட்டமைப்பு இணைய தளம்
-
குலாலர் திலகங்கள்
குலாலர் மஹா கவி கம்பதாசன்
பக்கம் 1 குலாலர் குலத்தின் முத்தாரத்து முத்துக்களுள் ஒருமுத்து கம்பதாசன் கம்பதாசன் தென் ஆர்க்காடு மாவட்டத்தில் திண்டிவனம் மருங்கே உள்ள உலகாபுரம் என்ற கிராமத்தில்,குலாலர் குலத்தில் சுப்பராயர் - பாலம்மாள் தம்பதிக்கு 1916ஆம் ஆண்டு செப்டம்பர் 15ஆம் தேதி பிறந்தார். பெற்றோருக்கு இவர் ஒரே மகன். மற்றவர் ஐவரும் பெண்கள். இவரது இயற்பெயர் அப்பாவு. பெற்றோர் இவரை "இராஜப்பா" என்று செல்லமாக அழைத்தார்கள். கம்பன் மீது அதிக பற்றுக் கொண்டவர் என்பதால் கம்பதாசன் என்ற புனைப் பெயரை வைத்துக் கொண்டார். ஆறாம் வகுப்பு வரைதான் தனது படிப்பைத் தொடர்ந்துள்ளார். கவிஞரின் குடும்பத்தினர் அவரது இளமைப் பருவத்திலேயே சென்னையைச் சேர்ந்த புரசவாக்கம் பகுதிக்கு குடிபெயர்ந்துள்ளனர். அங்குள்ள குயப்பேட்டை நகர சபைப் பள்ளிக் கூட்டத்திலேயே தமது படிப்பைத் தொடர்ந்துள்ளார். நடிப்புக் கலையிலே நாட்டம் ஏற்பட்டதால், ஆரம்பப் பள்ளிக்கு மேல் இவர் நாட்டம் கொள்ளவில்லை. நாடகங்களில் நடிக்கத் தொடங்கினார். நாடகங்களுக்குப் பாட்டெழுதினார். கம்பதாசனுக்கு நல்ல குரல் வளம் இருந்தது. நாடகங்களில் பாடுவார். பாடகராகவும் புகழ் பெற்றார். ஆர்மோனியமும் வாசிப்பார். திரைப்படத்துறையில் மிகவும் இளமைக் காலத்திலேயே ‘திரெளபதி வஸ்திராபரணம்’, ‘சீனிவாச கல்யாணம்’ போன்ற படங்களில் தனது நடிப்புத் திறனைத் காட்டி நின்றார். 1940ஆம் ஆண்டில் வெளிவந்த வாமன அவதாரம் என்ற படத்திற்கு முதன் முதலாகப் பாடல் எழுதினார். அதனைத் தொடர்ந்து வேணு கானம், மகாமாயா,பூம்பாவை, மங்கையர்க்கரசி, ஞானசெளந்தரி, அவன், வானரதம் போன்ற பல திரைப்படங்களுக்கு பாடல்கள் எழுதியும், கதை வசனம் எழுதியும் புகழின் உச்சியில் காணப்பட்டார். இதில் அவன், வானரதம், அக்பர் போன்ற திரைப் படங்களில் இவர் எழுதிய பாடல்கள் இன்னும் காலத்தால் அழியாத பாடல்களாகவும், திரைப்பட ரசிகர்களால் மறக்க முடியாத பாடல்களாகவும் காணப்படுகின்றன. தொடர்ச்சி அடுத்த பக்கத்தில்......
-
குலாலர் திலகங்கள்
குலாலர் மஹா கவி கம்பதாசன்
பக்கம் 2 தமிழில் மறுமலர்ச்சிப் பாடல்களை எழுதத் தொடங்கினார். சமதர்மக் கொள்கை கொண்ட கம்பதாசன், தாம் எழுதிய திரைப்படப் பாடல்களில் முற்போக்குக் கருத்துகளை எளிய நடையில் புகுத்தினார். தமிழ் உணர்வுமிக்க அவருக்குப் போட்டிகள் நிறைந்த திரையுலகம் அதிக வாய்ப்பைத் தராவிட்டாலும், குரல் அசைவுப் படங்களுக்கு (டப்பிங்) அதிகம் எழுதியிருக்கிறார். "வானரதம்" என்ற இந்தித் திரைப்படத்தின் தமிழாக்கப் பாடலில் எளிய தமிழைப் பயன்படுத்தினார். கம்பதாசனின் கவித்திறமையை அடையாளங்காட்டி "கனவு" என்ற கவிதை நூல் 1941இல் வெளிவந்தது. கவிஞர் கம்பதாசனின் பெயரை இந்தத் தலைமுறையினர் அதிகம் அறிய வாய்ப்பில்லை கம்பதாசனின் கவிதைத் தொகுப்புகள் கனவு விதியின் விழிப்பு முதல் முத்தம் அருணோதயம் அவளும் நானும் பாட்டு முடியுமுன்னே புதுக்குரல் தொழிலாளி. தமிழ்நாடு குலாலர்கள் சமூக கட்டமைப்பு இணைய தளம்
